Во психијатриска болница на Раб со тупаници убил друг пациент

Пациент во психијатриска болница на Раб, остров во Хрватска, убил друг пациент кого го нападнал со тупаници по кратка расправија.

Полицијата која стигнала по пријавата дека во здравствена установа на островот Раб е пронајдено мртво тело на машко лице, врши истрага, а лицето поврзано со овој инцидент е приведено во службените простории на полицијата.

Точната причина за смртта на споменатиот маж ќе биде утврдена со обдукција.

Полицијата продолжува со кривичната истрага за да се утврдат сите околности, како и релевантните факти од овој настан.

Квалификацијата според која ќе биде обвинет уапсениот зависи од истрагата која е во тек.

Се огласија и од болницата

„На 31.01.2023 година во 20.55 часот се случил трагичен настан во кој по краток вербален конфликт пациент со неколку удари со тупаници удрил сопациент и му нанел тешки повреди. И покрај брзата интервенција на службата и преземените мерки за реанимација и пристигнувањето на итната медицинска помош, пациентот починал.

Според вработените во полицијата, осомничениот бил приведен на распит во полициска станица.

Целиот настан се случил за само неколку десетици секунди.

„Станува збор за пациенти кои се лекувале во т.н доброволен статус, а при самото лекување не покажале несоодветно или агресивно однесување. Истрагата е во тек“, се вели во соопштението за печатот од Специјалната болница во округот Инсула.

До семејствата на починатите, од Специјалната психијатриска болница Инсула изразуваат искрено сочувство.