Вилијам и Кејт со лична божикна честитка

Принцот Вилијам и принцезата Кејт од Велс објавија лична божиќна честитка оваа година, користејќи фотографија од видео објавено во септември кога принцезата објави крај на нејзиниот третман со хемотерапија. Фотографијата, клип од филмот на режисерот Вил Вор, ги прикажува принцот Вилијам и Кејт и нивните деца принцот Џорџ, принцезата Шарлот и принцот Луис.

Оваа фотографија е симбол на тешката година што ја имаше семејството, најмногу поради болеста на принцезата, која во последните месеци постепено се враќа на нејзините обврски. Честитката е веќе испратена по пошта, а официјално е објавена на социјалните мрежи, каде е видлива и кратка порака „Ви посакуваме Среќен Божиќ и Нова Година“.

Во трогателната видео снимка што беше објавена на нивната официјална веб-страница оваа есен, можевме да ја видиме Кејт како ужива во опуштен ден во природа со сопругот и децата, како и нејзините родители – Керол и Мајкл – кои беа нејзината најголема поддршка во текот на целиот период на болеста. беа накратко прикажани тоа е и нејзин начин да им се заблагодари за се што направија за неа и нејзиното семејство.

И годинешната честитка ги следи нивните претходни, кои најчесто беа направени во неформален и опуштен стил, без традиционални кралски фотографии.

Минатата година беа видени на црно-бела фотографија, на која беа прикажани заедно како семејство, во прилично едноставно модно издание.

Останатите членови на кралското семејство веќе ги објавија своите честитки. Кралот Чарлс и кралицата Камила беа сликани на весела фотографија на отворено, направена кратко откако кралот слушна дека ќе биде доволно добро да се врати на јавните должности, додека принцот Хари и Меган Маркл ги вклучија своите деца во честитката оваа година.