(Видео) Славонија под вода, поплавени подруми, дуќани, улици
Силниот дожд кој падна синоќа во областа на градот Жупања им создаде големи проблеми на жителите на овој вуковарско-сремски град. Водата продре во повеќе куќи, но поплави и делови од градските патишта, пишува „Индекс.хр“.
Скоро целиот град е поплавен. Бројни дворови и автомобили се под вода. Сите расположиви сили на Јавното комунално претпријатие од Жупања и комуналното претпријатие Комуналац се на терен, обидувајќи се да ја испумпаат водата од куќите.
https://youtu.be/WTxxSiOF9oI
Началникот на Генералштабот на цивилната заштита на градот Жупања, Младен Доган, изјави дека има проблеми во сите делови на градот.
Ситуацијата во градот Нашице, каде невремето проследено со силен дожд вчера попладне предизвика поплави, во моментов е добра и водата се повлекува, објавија претставниците на окружниот штаб за цивилна заштита.
