(Видео) Северна Италија зафатена од поплави по силниот дожд
Невремето и обилните дождови предизвикаа поплави во многу делови на северна Италија, а особено се погодени градовите Падова и Виченца, пишува Би-би-си.
Службите за итни случаи користат гумени чамци за да ги спасат луѓето од нивните домови, а на снимката се гледаат автомобили како пливаат по улиците.
Гувернерот на провинцијата Венето ги опиша временските услови во текот на ноќта како „водена бомба“.
#Maltempo #Veneto, in 2 giorni 2.500 chiamate di soccorso ricevute nelle sale operative dei comandi provinciali e oltre 1.800 interventi fatti: prosegue il lavoro dei #vigilidelfuoco in regione.
Nel video il sorvolo del Drago #vvf su Camposampiero (PD) [#17maggio 13:30] pic.twitter.com/iIwj9sIWQV— Vigili del Fuoco (@vigilidelfuoco) May 17, 2024
Југот на Италија се соочува со топлотен бран невообичаен за овој период од годината, а на Сицилија се забележани температури до 35 Целзиусови степени.
Професорот Марко Марани, експерт за ефектите од климатските промени од Универзитетот во Падова, за весникот „Кориере дел Венето“ изјави дека „екстремните настани стануваат се почести и ќе се интензивираат со зголемувањето на глобалното затоплување“.
Ветерот го превртел товарниот воз
Бреговите на реката Мусон деи Саси во областа Падова попуштија поради обилните врнежи од дожд во раните утрински часови, кои предизвикаа поплави.
Товарен воз во градот Борго Мантовано во провинцијата Ломбардија бил превртен од налетите на ветерот со брзина меѓу 150 и 200 километри на час.
Локалниот лидер Алберто Борсари на социјалните мрежи напиша дека „многу улици и подруми се поплавени“ и дека ситуацијата е „навистина тешка“.
„За среќа, никој не е повреден“, додаде тој.
Дожд до 130 милиметри падна во еден ден во Милано, што предизвика поројни поплави. Очевидци велат дека таков интензитет на дожд не бил забележан во мај повеќе од 170 години.
Властите за цивилна заштита прогласија црвена тревога во Венето до 14 часот, особено меѓу Виченца и Верона, каде што реките надобија по 70 милиметри дожд за 30 минути.
Едно лице е исчезнато
Едно лице е исчезнато во реонот на градот Комо по уривањето на мал мост.
Во исто време, многу суви услови беа забележани на островот Сардинија, кој веќе се соочува со уште една лоша сезона за локалните земјоделци на пченица, кои очекуваат половина од нивниот нормален род поради недостиг на вода, пишува локалниот весник L’Unione Sarda.
Il maltempo al Nord Italia, allerta rossa in #Veneto dove i forti temporali hanno fatto esondare fiumi: il #Muson ha rotto gli argini nel padovano. La situazione è invece in miglioramento in Lombardia dove è stato ritrovato il corpo senza vita del 66enne disperso a Cantù.#Tg1 pic.twitter.com/3G086kUzHh
— Tg1 (@Tg1Rai) May 17, 2024
Ограничувања за користење на водата се очекуваат и во областа подоцна во текот на летото.
Професорот Марани рече дека „има силни научни докази“ дека екстремните временски услови стануваат се почести, додавајќи дека пресметките за одбрана од поплави „треба да се ревидираат за да се разбере реалниот ризик со кој се соочуваме“.
#Maltempo, dopo oltre 24 ore fatti 724 interventi tra #Milano (358), #MonzaBrianza (200), #Padova (121) e #Rovigo (45). 232 #vigilidelfuoco al lavoro con 77 mezzi. Al momento la situazione in Lombardia è migliorata, decine di interventi da eseguire nel padovano [#16maggio 12:00] pic.twitter.com/4c7Ush3E32
— Vigili del Fuoco (@vigilidelfuoco) May 16, 2024
„Климатските промени мора да бидат ставени под контрола“, додаде тој.
Во април, Европската климатска агенција Коперник и Светската метеоролошка организација ја истакнаа потребата од заштита од поплави, како и итна акција за борба против ефектите од климатските промени.