Уапсен поранешен хрватски министер: Злоупотребил европски пари, требало да сади лалиња

По наредба на Европското јавно обвинителство (ЕЈО), уапсен е Хрвоје Војковиќ, поранешен шеф на Кроација осигурување и министер за економија во владата на Ивица Рачан, јавија хрватските медиуми.

Според неофицијални информации, Војковиќ е уапсен за измама со субвенции и фалсификување деловен документ, а се сомнева дека добивал субвенции за садење лалиња кои никогаш не ги засадил.

Наводните незаконитости се случувале од 2020 до 2022 година.

Po nalogu Ureda javnog europskog tužitelja uhićen je poduzetnik, bivši šef Croatia osiguranja i bivši ministar gospodarstva Hrvoje Vojković. https://t.co/LGn4EZ0mHm

— HRT vijesti (@hrtvijesti) February 29, 2024

Медиумите во Хрватска го прикажаа и имотот каде што требало да бидат засадени лалињата за кои добил стимулации од Европската Унија. Таму нема речиси ништо, а секако и лалиња, пишува порталот Истра24.

На оградата што се граничи со помалата парцела е поставена табла со информацијата на фирмата на Воковиж „Наша фарма“, со наслов „Цветни насади“, под која пишува дека станува збор за лалиња и божури. Според тој натпис, партнери во проектот требало да бидат „Ирис МБМ“ и „ОПГ Ледински“. Полето изгледа како да е расчистено релативно неодамна. Сепак, на него нема цвеќе, како што може да се види на видеото.