Собол: Осудена сум на една година општествено корисна работа

Љубов Собол, блиската соработничка на затворениот руски опозиционер, Алексеј Навални, денеска на својот профил на Твитер напиша дека е осудена на една година општествено корисна работа поради насилен упад во приватна сопственост.

Британските медиуми пренесуваат дека станува збор за инцидент од декември минатата година.

Судскиот процес против Собол се одвива во, како што наведуваат британските медиуми, услови на репресии врз соработниците и приврзаниците на Навални, кои организираа неколку митинзи во знак на протест против неговото апсење на почетокот на оваа година.