Слеп патник пронајден во критична состојба – се скрил меѓу авионскиот багаж

Во багажниот простор на авион на „Ер Алжир“ на аеродромот „Орли“ во Париз утринава бил пронајден слеп патник во критична состојба, изјави добро информиран безбедносен извор за Ројтерс.

Изворот вели дека лицето е во животна опасност и е пренесено во блиската болница.

Патникот поминал  два и пол часа во просторот за багаж.
Авионот полетал од западниот алжирски град Оран, кој е на два и пол часа лет од Париз.

Во багажниот простор на авионот температурите се движат меѓу минус 50 и минус 60 Целзиусови степени, а и нема доволно кислород.