Си Џинпинг пристигна во Москва, летот на кинескиот претседател беше најследен во светот
Авионот на кинескиот претседател Си Џинпинг слета на меѓународниот аеродром Внуково во Москва, а самиот лет предизвика голем интерес.
Летот на Боинг 747-89Л го следеа во живо повеќе од 81.000 луѓе на веб-страницата „Флајтрадар 24“ (Flightradar24), што го направи најследен лет во светот, пренесе Блиц.
Си главно користи комерцијален Боинг 747-89 изнајмен од „Ер Чајна“ за патувања на долги релации.
Само неколку дена откако Меѓународниот кривичен суд во Хаг издаде налог за негово апсење, рускиот претседател Владимир Путин го пречекува кинескиот лидер во Москва со цел да „игра конструктивна улога во промовирањето мировни преговори“ за војната во Украина.
Right now #XiJinping‘s plane is landing at Vnukovo #Moscow – Flightradar24 pic.twitter.com/S90msN59cK
— RRN.world (@RRN_breaking) March 20, 2023
Кинескиот претседател денеска ја започнува посетата на Русија, што е негова прва посета на странска земја откако по трет пат беше избран за претседател на Кина, а воедно и прва посета на Русија од почетокот на руско-украинскиот конфликт во февруари 2022 година.
Посетата ќе ги постави основите за развој на кинеско-руските односи во следните пет години и ќе го продлабочи меѓусебното разбирање меѓу Москва и Пекинг за важни меѓународни и регионални прашања, пренесува РИА Новости.
Stando a Flightradar24 l’aereo del Presidente cinese Xi Jinping sarebbe atterrato a Mosca. pic.twitter.com/tbD8EE5lnB
— Han Skelsen (@HSkelsen) March 20, 2023
Волстрит журнал, повикувајќи се на свои извори, објави дека по посетата на Москва, Си Џинпинг би можел да одржи онлајн средба со претседателот на Украина, Володимир Зеленски.