Шефот на платениците од „Вагнер“ му рекол на Путин дека војната оди лошо за Русија

На почетокот на октомври „Вашингтон пост“, повикувајќи се на податоци добиени од американското разузнавање, напиша дека во придружбата на рускиот претседател имало лице кое директно му кажало на Владимир Путин за грешките во војната во Украина. Потоа беше објавено дека во извештајот на разузнавањето се наведува името на блискиот соработник на Путин, кој си дозволил да го критикува претседателот, но тоа не им било познато на новинарите.

„Вашингтон пост“ успеа да открие кој се споменува во извештајот на разузнавањето. Извор од американската влада запознаен со извештајот изјави за весникот дека станува збор за бизнисменот Евгениј Пригожин, основач на платеничката група „Вагнер“, познат и како „готвачот на Путин“.

Според изворот на весникот, Пригожин изразил незадоволство поради фактот што руското Министерство за одбрана наметнува премногу обврски за „Вагнер“, а притоа не издвојува доволно финансиски и материјални средства за да се осигура дека приватната воена компанија може да ги исполни своите задачи.

Критиките на Пригожин само го зајакнуваат она што тој јавно го кажува со недели, тврдат официјални лица. Но, фактот дека тој се чувствувал безбедно додека го критикувал Путин јасно укажува на тоа колку тој е влијателен во Кремљ. Исто така, она што се случило меѓу Путин и шефот на „Вагнер“ покажува колку навистина е разнишана позицијата на рускиот одбранбен естаблишмент, по неколкумесечни грешки и загуби на бојното поле.

Изворот на „Пост“ забележува и дека на социјалните мрежи кружи видео во кое борците на „Вагнер“ се жалат на недостиг од храна и залихи. Изворот рече дека видеото најверојатно е наместено за да го принуди Кремљ да одвои повеќе средства за платеници.

Евгениј Пригожин, преку прес-службата на компанијата Конкорд, изјави за „Вашингтон пост“ дека тој лично не комуницирал со Путин „ниту неодамна, ниту во некоја догледна иднина“, а исто така „не го критикувал раководството на вооружените сили на Русија за време на конфликтот во Украина“. Пригожин, исто така, рече дека не ја видел снимката, на која борците на „Вагнер“ се жалат на недостаток на храна и залихи.

Во коментарот објавен од прес-службата на компанијата Конкорд, Пригожин ги повика новинарите на „Вашингтон пост“ „да не изгледаат како хистерични чаршиски жени во кујната кои собираат озборувања и шпекулации, а исто така се обидуваат да создадат некакво информативно поле со објавување смешни провокативни и навредливи прашања“.

Критиките на Пригожин само го зајакнуваат она што тој јавно го кажува со недели, тврдат американски официјални лица. Но, фактот дека тој се чувствувал удобно и безбедно додека го критикувал Путин на своја територија јасно укажува на тоа колку тој е влијателен во Кремљ. Исто така, она што се случи меѓу Путин и началникот Вагнер покажува колку навистина е разнишана позицијата на рускиот одбранбен естаблишмент, по неколкумесечни грешки и загуби на бојното поле.

Разочараноста на Пригожин од руското Министерство за одбрана и тензиите меѓу него и рускиот министер за одбрана Сергеј Шојгу, исто така, беа предмет на посебен извештај на американските разузнавачки служби циркулиран меѓу официјалните лица во Вашингтон, велат изворите.

Со години, Пригожин оперира во сенка, негирајќи какви било врски со озлогласената група „Вагнер“ и фабриката за интернет тролови во Санкт Петербург, која американските власти велат дека ја финансирал за да се меша во претседателската кампања на САД во 2016 година. Тој исто така помогна во промовирањето на надворешните цели на Кремљ надвор од формалните структури и го доби прекарот „Готвач на Путин“ благодарение на сопственоста на рестораните во Санкт Петербург што Путин некогаш ги посетуваше и угостителските компании со профитабилни руски државни и градски договори, пишува „Вашингтон пост“.

Но, во последните недели Пригожин сам се појавува во јавноста. Тој за прв пат призна дека раководи со Вагнер и јавно го нападна руското воено раководство за погрешни одлуки.

„Одлуката на Пригожин да се соочи со Путин е само последниот знак на неговото незадоволство“, изјави американски функционер кој го прочита извештајот.

Портпаролот на Кремљ Дмитриј Песков одби да ја коментира наводната интеракција меѓу Пригожин и Путин.

Од почетокот на војната, неговата паравоена група „Вагнер“ – составена од борбени ветерани обвинети за кршење на човековите права кои дејствуваат надвор од формалната руска воена структура – ја предводи офанзивата за заземање на Бахмут, град во регионот Донецк кој го држат украинските сили и еден од последните градови каде што Русија може да победи во блиска иднина. Некои аналитичари ја гледаат ситуацијата со Бахмут како обид да се покаже дека „вагнеровците“можат да напредуваат дури и додека остатокот од руската војска заостанува.

„Пригожин навистина се издигна во хиерархијата во последните месеци. Поради војната, тој се приближи до Путин повеќе од кога било досега. Луѓето како Пригожин и чеченскиот лидер Рамзан Кадиров, назначен од Кремљ, јавно ја критикуваат руската армија, а со тоа и аспектот во сенка на руската држава станува сѐ повидлив“, изјави Марлен Ларуел, директорка на Институтот за европски, руски и евроазиски студии на Универзитетот Џорџ Вашингтон.

Останува нејасно дали Пригожин првенствено е фокусиран на стекнување посилно влијание во руската одбранбен систем или има уште поголеми политички амбиции.

„Пред војната да почне да оди лошо за руската армија, не беше соодветно за критичарите да го зграпчат центарот на вниманието. Но, луѓето како Пригожин сега гледаат можност да го фатат прстенот од месинг. Ситуацијата во Русија сега е навистина хаотична“, смета Фиона Хил, поранешен функционер во Белата куќа и експерт за руската администрација.

Пригожин се издигна високо над своите скромни корени како продавач на виршли во родниот град на Путин, Ленинград. Тој помина девет години во затвор за грабеж и други злосторства, а потоа заработи пари како ко-основач на казино и пловечки ресторан, каде што лично му служеше на Путин, тогаш новиот претседател на Русија. Потоа отвори угостителски бизнис кој доби договори со руската влада.

„Годините поминати во затвор и тешките почетоци веројатно создадоа незадоволство кон политичките елити и оние кои уживаа привилегии по распадот на Советскиот Сојуз. Војната помогна да се реализираат неговите амбиции. Тој сака политичко признание. Парите не му се доволни“, смета Ларуел.

Сè поистакнатата улога на личности како Пригожин и Кадиров иритира некои руски функционери кои ги гледаат како непријателски актери кои играат според нивните правила. „Тие не ја претставуваат Русија. Тоа е криминално братство засновано на принципите на средниот век“, изјави рускиот функционер, кој секако сакаше да остане анонимен, пишува „Вашингтон пост“.