Седум навивачи на ПАОК загинаа во ужасна сообраќајка во Романија
Во ужасна сообраќајна несреќа што се случи во близина на Темишвар, најмалку седум навивачи на ПАОК, кои со комбе одеа на натпреварот на нивниот сакан клуб, го загубија животот.
Според романските медиуми, повредени се три лица, а се претпоставува дека сите се грчки државјани и навивачи на тимот од Солун.
Тие патувале за Франција, каде што нивниот клуб ќе игра натпревар од осмото коло од Лигата на Европа против Лион во четврток.
Во еден момент, возилото што ги превезувало преминало во спротивната лента, а потоа дошло до директен судир со камион.
На социјалните мрежи објавено е и видео на кое се гледа како комбе со навивачи на ПАОК преминува во спротивната лента и директно удира во камион.
Tragic news before Thursday’s Lyon 🇫🇷 vs PAOK 🇬🇷 match. PAOK fans traveling through Romania were involved in a highway accident. Six lives lost. Our thoughts are with the victims, their families, their friends and the PAOK community. 🕯️🤍🖤 pic.twitter.com/xq1AbuZd41
— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) January 27, 2026
Навивачите на тимот од Солун, како што објавија грчките медиуми, ја избрале рутата низ Бугарија, Романија и Унгарија бидејќи овие земји се дел од Европската Унија, па патувањето е полесно и нема застој на границата.
Tragic news:
Today, seven 7 PAOK fans🇬🇷 died in a car accident while traveling to Lyon🇨🇵 for their match. The accident occurred in Romania🇹🇩. A minibus carrying PAOK fans hit a truck. pic.twitter.com/B7fvhE63ir— Nefelina 🇬🇷🇺🇸🇮🇱 (@Nefelina451806) January 27, 2026
Поблиска рута од Солун до Франција би можела да биде преку Северна Македонија, Србија или Босна и Херцеговина, но тогаш комбето со десет патници би морало да помине пасошка контрола при излегување и повторно влегување во Европската Унија.