Се скусува листата на лидери што ќе му дојдат на Путин на парадата

Откажувања во „последниот час“ ќе го расипат славењето на Владимир Путин  во Москва, каде што  се во полн ек подготовките за воената парада по повод 9 мај. Азербејџанскиот претседател Илхам Алиев е мешу тие што ја откажаа посетата на Москва, а истото го стори и претседателот на Лаос, Тонглун Сисулит. Одбивање  дојде и од Индија, чиј премиер Нарендра Моди, исто така, одби да присуствува на прославите на Црвениот плоштад. Високо рангираните гости ги откажуваат своите посети на Москва во последен момент, наведувајќи различни причини.

Претседателот на Азербејџан сметаше дека е поважно да учествува во националните прослави посветени на неговиот татко Хејдар Алиев (10 мај е годишнина од раѓањето на Алиев постариот). Ова е официјалната верзија…

Индискиот премиер ја откажува посетата на Москва поради растечките тензии и конфликтот со Пакистан, министерот за одбрана исто така ја откажа, земјата ќе биде претставувана од заменик-министер за војна. Лаос известува дека нивниот шеф на држава се заразил со коронавирус и мора да се стави во карантин.

Само двајца лидери на европски земји сепак ќе ја почитуваат поканата на Кремљ да учествуваат на прославите – и покрај јасните предупредувања од нивните европски партнери да не го сторат тоа: Српскиот претседател Александар Вучиќ и словачкиот премиер Роберт Фицо, кои заминаа за Москва, иако двајцата се пожалија на здравствени проблеми во последните денови.

Во меѓувреме, Естонија стана најновата земја од ЕУ што го затвори својот воздушен простор за авиони што летаат кон Русија. Ова се покажа како проблем за летот на Фицо, кој се пожали дека Талин му се меша во патувањето. Претходно, српскиот претседател мораше да избра алтернативна рута откако Литванија и Латвија не му дозволија на неговиот авион да прелета над нивниот воздушен простор на пат кон Москва.