Се разгледува формиање трибунал за странските џихадисти од ИД во Сирија и во Ирак

Експерти од неколку европски земји разговараа денеска во Шведска за можноста за формирање меѓународен трибунал за странските милитанти на ИД во Сирија и Ирак.

-Не треба да има имунитет за убиства, терористички злосторства, воени злосторства или злосторства против човештвото, и тоа важи за сите страни во конфликтот, изјави Микаел Дамберг, министер за внатрешни работи на Шведска.

Дамберг рече дека в петок ќе ги информира своите колеги од Европската унија за исходот од состанокот, јави ДПА.

-Дискусиите беа исто така неопходни за земјите во тој регион, додаде Дамберг.

Холандија, една од земјите учеснички, на денешната седница објави дека планира да биде домаќин на министерската конференција во Њујорк на маргините од Генералното собрание на ОН во септември.