Разорни пожари низ Калифорнија, едно лице загина

Едно лице загина во разорните пожари што се шират низ Калифорнија, па од вчера се спроведуваат принудни евакуации од населбите околу езерото Салтон Си, на југот на оваа американска сојузна држава, извести АП.

Пожарот избил во соседниот Ниланд, мало, сиромашно, земјоделско место оддалечено 160 километри од Сан Диего.

„Штетата се уште се проценува, но до сега се уништени околу 20 куќи, а 130 луѓе се евакуирани“, изјави Линда Дејл, претставничка на округот Империјал.

Американскиот Црвен крст за јужна Калифорнија соопшти дека забрзано настојува да обезбеди сместување на сите евакуирани луѓе.

Оваа сиромашна заедница во округот Имеријал е сериозно погодена и од епидемијата од корона ворус, па околу 500 пациенти се префрлени во здравтсените установи во соседните градови и окрузи.