Први резултати за квалитетот на воздухот во Трубарево вечерва, најави Министерството за животна средина

Министерството за животна средина и просторно планирање за вечерва најави првични резултати за квалиетот на воздухот по пожарот што избувна денеска во Трубарево во компоанија за собирање ии управување со електронски отпад.

Во соопштението до медиумите се вели дека пожарот избувнал во објект за рециклирање на батерии и електронски отпад.

„Станува збор за објект кој поседува валидна дозвола за управување со отпад, издадена од Министерството. Надлежните служби веднаш интервенираа и работат на целосно локализирање и гасење на пожарот. За да се обезбедат точни и транспарентни информации во врска со евентуалното влијание врз животната средина и здравјето на граѓаните, Министерството ангажираше акредитирани лаборатории за мерење на квалитетот на амбиенталниот воздух во погодената зона“, се вели во соопштението.

Од Министерството посочуваат дека резултатите од овие мерења ќе бидат јавно објавени веднаш по нивната обработка, а првите резултати веќе се очекуваат вечерва.

„Министерството ќе продолжи редовно и навремено да ја информира јавноста за сите понатамошни активности и наоди поврзани со настанот. Во очекување на резултатите од мерењата“, се вели во соопштението,

Министерството препорачува граѓаните во погодената област да преземат следниве мерки за заштита:

1. Останете дома – Избегнувајте престој на отворено, особено во близина на локацијата на пожарот.

2. Затворете ги прозорците и вратите, за да се намали можноста за внесување на загаден воздух во просториите.

3. Исклучете надворешна вентилација, Избегнувајте користење на клима уреди и системи без филтри кои вовлекуваат воздух однадвор.

4. Заштитете ги ранливите групи – Децата, постарите лица и лицата со хронични заболувања нека останат во затворен простор.

5. Користете заштитни маски – Ако е неопходно излегување, носете маски од тип FFP2 или FFP3.

6. Бидете внимателни со храна и вода – Темелно измијте овошје и зеленчук од околните градини. Користете само вода од сигурни извори.

7. Следете ги официјалните информации, Редовно информирајте се преку каналите на Министерството.

Министерството апелира на смиреност и рационално однесување и уверува дека сите надлежни институции се мобилизирани за следење и управување со состојбата.