Претставен првиот летечки автомобил, 160 километри во воздух со едно полнење (ВИДЕО)

Многу филмови предвидуваа дека во иднина ќе возиме летечки автомобили, но досега тоа не се случи. Сепак, еден американски стартап создаде летечки автомобил.

„Alef Aeronautics“ го претстави своето воздушно возило, за кое тврди дека е првиот летечки автомобил во светот. Објавеното видео го прикажува прототипот, наречен Модел Zero, како лета над паркиран автомобил во Калифорнија, претставувајќи го првиот вистински тест на дизајнерскиот концепт.

„Индипендент“ во својата статија потсетува дека повеќето од досега развиените летечки автомобили користат дизајн сличен на дронови со ножеви на роторот, но испробано е и решение каде возилото има преклопни крила. Спротивно на тоа, неодамна претставениот Model Zero изгледа исто како патно возило, само малку пофутуристички. Сечилата на роторот се исто така дел од автомобилот, но тие се скриени во внатрешноста на возилото, така што надворешниот набљудувач не може да ги види, пренесува N1info.ba.

Според стартапот, возилото е 100 отсто електрично. Mодел Zero може да помине 320 километри на земја и 160 километри во воздух со едно полнење.

„Alef Aeronautics“ исто така најави дека ќе започне со производство на автомобилот оваа година, за што веќе се добиени 3.300 преднарачки.