Постојано сте уморни и чувствувате трнење во екстремитетите? Имате недостаток на важна супстанца

Препознајте го недостатокот на калиум во организмот, ова се симптомите и намирниците кои ќе ви помогнат да го надоместите неговото ниво!

Калиумот е многу важна хранлива материја, а одржувањето на неговото ниво на идеално значи дека многу системи во телото функционираат точно како што треба. Намаленото ниво на калиум ќе влијае на многу процеси во нашето тело, и ќе предизвика различни симптоми во зависност од степенот на инсуфициенција.

Составен дел од потта е и калиумот, што значи дека со посилно потење ќе изгубите голема количина од оваа хранлива материја. Се губи дури и ако консумирате многу алкохол, но и ако земате диуретици кои предизвикуваат почесто мокрење.

Ако имате благ недостаток, може да почувствувате симптоми како што се пецкање во рацете и стапалата, како и грчеви во одредени мускули. Честите промени во расположението, но и чувството на хроничен замор или „биење“ на срцето се знак за недостаток на калиум.

Сериозниот недостаток на калиум може да предизвика и симптоми кои се итен знак на тревога, како што е отежнато дишење бидејќи мускулите на градниот кош се компромитирани.

Храна богата со калиум се портокалите, грејпфрутот, спанаќот, брокулата, доматите, компирот, цвеклото и слаткиот компир, а препорачаната доза која треба да се зема дневно е околу 3.500 милиграми. Но, овој додаток често ги „излудува“ обичните луѓе бидејќи дневната доза е висока, а постои и ризик од внесување премногу. Ако се внесе премногу калиум, може да се појават проблеми со бубрезите или крвен притисок.

Затоа, комерцијално достапните додатоци на калиум обично имаат од 50 до 100 милиграми, додека просечната банана содржи дури 400 милиграми од оваа супстанца. Додатоци во повисоки дози не се препорачуваат бидејќи можат да предизвикаат стомачни или дури и срцеви проблеми. Во случај на посериозни недостатоци, лекарот ќе ви препише појак додаток кој не треба да се зема „на своја рака“, туку само по консултација со лекар.