Оваа европска земја се распаѓа: Луѓето бегаат – се доселуваат Сиријци

Бројот на жители во Холандија се зголеми за речиси 21.000 луѓе, достигнувајќи 18 милиони жители во првиот квартал од оваа година, објави денес Државниот завод за статистика на Холандија (CBS).

Растот на населението е речиси ист како и во првиот квартал од минатата година, и сепак е целосно резултат на миграцијата, објави „NL Times“.

Имиграцијата и емиграцијата доведоа до зголемување на населението од 31.000 луѓе.

Поради поголемиот број на смртни случаи отколку на раѓања во првиот квартал, населението се намали за речиси 10.000 луѓе.

Бројот на имигранти во првиот квартал од годинава е поголем во споредба со претходната година.

Во првите три месеци од оваа година, во Холандија имигрирале 79.000 луѓе, додека минатата година истиот број бил околу 75.000.

Емиграцијата остана приближно иста, со речиси 49.000 луѓе кои ја напуштија земјата, што резултираше со миграциски салдо од 30.600 луѓе.

Во првиот квартал од 2024 година, миграцискиот биланс изнесуваше 27.100.

Најголемата група имигранти во првиот квартал била од Сирија, а повеќето од нив дошле во Холандија како бегалци.

Беше забележано намалување на бројот на имигранти од други земји од Европската Унија.

Исто така, луѓето кои се родени во Холандија, како и оние чии родители се Холанѓани, емигрирале почесто отколку што се враќале во Холандија.

Во првиот квартал од оваа година, 7.000 Холанѓани ја напуштиле земјата, додека 4.000 се вратиле.

Во истиот период, бројот на смртни случаи се зголемил за речиси 2.000, додека бројот на раѓања се намалил за 1.000 во споредба со претходната година.

„Смртноста се зголемува во последните години бидејќи бројот на постари лица во населението се зголемува“, соопшти CBS.

Во првиот квартал од 2025 година, починале речиси 10.000 повеќе луѓе отколку што се родиле деца.