Новиот лидер на Хезболах веројатно е убиен, вели израелскиот министер за одбрана

Израелскиот министер за одбрана, Јоав Галант, денеска изјави дека припадникот на Хезболах, кој ја презеде лидерската позиција на либанската милитантна група, веројатно е убиен по смртта на претходниот лидер, Хасан Насрала.

Медиумите претходно известија дека Насрала бил заменет од неговиот братучед, Хашем Сафједин, кого САД го означија како терорист во 2017 година.

Истовремено, Хезболах соопшти дека погодил повеќе цели на северот на Израел, како одмазда за, како што го нарекуваат, „геноцидниот војна на израелскиот режим во опколената Газа“.

Во соопштението се наведува дека нападите биле изведени како дел од пропалестинските операции што Хезболах ги води од октомври минатата година, како и одмазда за убиството на Либанци за време на израелската ескалација против земјата, по започнувањето на војната во Газа.

Повеќе од 2.000 Либанци се убиени откако Хезболах започна со напади врз Израел пред една година, во знак на солидарност со Палестинците.