Не е сето јадење доцна навечер лошо: Овие намирници помагаат да заспиеме побрзо

Она што го јадеме пред спиење може да има големо влијание врз квалитетот на нашиот сон. Добрата вест е дека не сите ноќни закуски се лоши, некои всушност можат да ви помогнат да заспиете побрзо.

Истражувачот Фергус Смитерс, кој раководи со прехранбениот сектор, во интервју за Мирор препорачува што да земете ако имате напад на глад пред спиење. Прво и можеби најценето е темното чоколадо, кое содржи различни хранливи материи кои го поттикнуваат спиењето, како што се магнезиум и триптофан. Магнезиумот е минерал кој може да помогне да се релаксираат мускулите и да се поттикне смиреноста, што го олеснува спиењето. Триптофанот е амино киселина која може да го зголеми нивото на серотонин и да помогне во регулирањето на спиењето и расположението.

Но, ако сакате нешто поздраво и исто толку вкусно да ве заспие, пробајте овошје како банани или киви. Кивито е богато со серотонин, невротрансмитер кој го регулира циклусот сон-будење и природно помага да заспиете подлабоко. Слично на тоа, бананите содржат магнезиум, калиум и триптофан, кои помагаат да се релаксираат мускулите и да се поттикне спиењето. Бананите се богати и со растителни влакна, поради што се чувствувате сити и задоволни пред да заспиете.

Ако сакате зеленчук, можете да се одлучите за зелка, која има бројни здравствени придобивки благодарение на содржината на калциум, калиум и магнезиум. Конечно, уште една храна која се препорачува за спиење е хумусот, кој сигурно ќе го совлада чувството на глад и во исто време ќе предизвика релаксација. Богат е со триптофан и фолати, кои помагаат во регулирањето на телесниот одмор. Хумусот можете да го комбинирате со разни зеленчуци како моркови, целер, пиперки, краставици или чери домати за совршен оброк доцна навечер.