Настинката никако да помине? Ова се можни причини

Како што објаснуваат лекарите, настинката е всушност инфекција на горниот респираторен систем предизвикана од вируси, а во просек обично трае околу една недела, пренесува Healthy.

Симптомите по кои најлесно можеме да препознаеме дека сме настинати се течење на носот, назална конгестија и отежнато дишење, кивање, болки во грлото и кашлица, главоболка и малку покачена температура.

Но, понекогаш симптомите на настинка може да траат долго, што често е една од главните причини зошто болните посетуваат лекар. Како што објаснуваат експертите, постојат неколку причини зошто настинката не поминува.

Една од нив е дека можеби ќе имаме уште една настинка. Лекарите објаснуваат како во текот на студената сезона можеме да настинеме и да оздравиме, но веднаш потоа повторно да се заразиме со еден од стотиците вируси кои предизвикуваат и настинка.

Така, може да изгледа дека имаме долга настинка, а всушност сме имале две или повеќе од нив по ред, додаваат тие. Исто така, таканаречената хронична постназална дренажа, која е честа последица на настинката, може да доведе до проблеми со долга настинка. Се влошува навечер кога лежиме, а може да биде предизвикана од алергии, временски промени и некои други надворешни фактори.

Дополнително, ако долго време имаме кашлица по настинка и не можеме да се ослободиме од неа, тоа всушност може да биде астма или хронична опструктивна белодробна болест (ХОББ), предупредуваат лекарите. Во тој случај задолжително е што поскоро да се направи лекарски преглед.

И последното, но не помалку опасно е пневмонијата. Имено, доколку настинката трае долго, потенцијално може да се работи за пневмонија. Најчестите симптоми кои укажуваат на тоа вклучуваат постојана кашлица придружена со кафена или зелена флегма, треска и проблеми со дишењето.