Најмладата милијардерка во светот сама го заработила секој цент

Списанието Форбс неодамна ја објави традиционалната годишна листа на милијардери. Оваа година велат дека „експлодирала“, а на неа има повеќе од 2.700 луѓе, од кои дури 500 за прв пат се нашле на оваа престижна листа.

Витни Волф Херд е исто така ново лице во клубот на најбогатите. Таа е основач на апликацијата за запознавање „Бамбл“ (Bumble). Нејзиното богатство значително се зголеми кога излезе на берза во февруари, по што цените на акциите на нејзината компанија нагло се зголемија.

Со тоа стана најмладата жена на светот што самата заработила своја милијарда, односно не наследила ниту добила пари по разводот, пренесува „Би-Би-Си“.

Волф Херд посочува дека тајната на успешните директори е дека себеси не се сфаќаат премногу сериозно. Исто така, ја нагласува важноста од наоѓање рамнотежа помеѓу работата и приватниот живот.

„Клучот е да се најде време за семејството, дури и ако тоа значи да земете слободно попладне“, вели таа.

Патем, пред да ја започне апликацијата „Бамбл“, Волф Херд беше дел од основачкиот тим на „Тиндер“, но ја напушти компанијата по несогласувања со другите директори, пренесува Банкар.ме.

Набргу по заминувањето, таа покрена тужба поради сексуално вознемирување, што беше одбиено од компанијата што управува со „Тиндер“, но тие сигурно платија повеќе од милион долари за да постигнат спогодба.

Како резултат на целиот процес, таа вели дека се соочила со ужасни навреди на Интернет, поради што го избришала својот профил на Твитер.

„Сакам Интернетот да стане поубаво и пољубезно место“, рече таа еднаш.

Имено, на нејзината платформа само жените можат да започнат разговор. Се чини како едноставна идеја, но има голема разлика бидејќи жените честопати се бомбардирани со несакани пораки од додворувачите.

„Бамбл“ е основана со помош на рускиот инвеститор Андреј Андреев, кој исто така имаше удел во апликацијата „Баду“, а акциите од двете компании ги продаде во ноември 2019 година.