Најмалку 11 лица повредени во пукотница во Јужна Каролина

Најмалку 11 лица се повредени во пукотница што се случи во недела навечер во крајбрежен град во Јужна Каролина во Соединетите Американски Држави (САД). Пукањето се случило околу пристаниште за чамци во близина на Интракоасалниот воден пат.
Реклама

Полицијата во округот Хори не ги објави околностите на пукањето, ниту детали за тоа како 11-те лица беа повредени во инцидентот во Литл Ривер.

Истражителите добиле извештаи дека неколку лица пристигнале во болницата со приватни возила, објави полицијата подоцна на социјалните мрежи.

Полицијата не објави информации за можни осомничени или што довело до пукањето, објави АП.

Видеото од местото на настанот покажува десетици полициски автомобили и амбулантни возила како брзаат во и надвор од областа.

Полицаец од Норт Миртл Бич, кој се нашол на местото на несреќата, случајно си пукал во ногата и е во стабилна состојба во болница, изјави портпаролката на Норт Миртл Бич, Лорен Џеси.