Најдолга партија во историјата на шахот: Магнус Карлсен победи по седум часа и 47 минути

Магнус Карлсен беше на прагот на пораз, но успеа да го совлада Јан Непомнијашчи во шестата партијаод битката за титулата светски шампион во шах.

Мечот траеше дури седум часа и 47 минути, а по вкупно 136 потези, Норвежанецот успеа да ја прекине серијата од пет нерешени и сега води со 3,5-2,5 во вкупниот резултат.

Тоа беше најдолгата партија во 135-годишната историја на борбата за светски шампион во шах: претходно дуелот меѓу Анатолиј Карпов и Виктор Корчној од 1978 година траеше 124 потези.

Карлсен (31) играше со бели фигури и по околу три часа од мечот и го дотера својот врсничка во агол: потоа ја смени кралицата за два топа, по што ја нападна црната кралица со топ, коњ и два пиони.

„Не треба да биде лесно во мечот за титулата. Човек мора да се обиде да ја искористи секоја шанса, без разлика колку е мала. Мислам дека и двајцата ризикувавме. Сакав максимално да ја продолжам партијата за да бидеме и двајцата уморни во клучниот момент. Тоа се покажа како добра стратегија“, изјави Карлсен, кој е светски првак од 2013 година и најдобро рангиран играч во светот од 2010 година.

Русинот се бранеше и се бранеше, но на крајот се предаде по речиси осум часа, по што следеше ерупција на аплауз во Дубаи.

„Би рекол дека Магнус успеа да ги искористи малкуте можности што ги имаше“, потенцираше Непомнијашчи.

Русинот моментално е петти играч во светот, победи на „Турнирот за кандидати“, а ова му е прва борба за најласкавото признание во светот на овој спорт.

Ќе се одиграат 14 партии, следните два се на програмата во сабота и недела, додека понеделник е ден за одмор.