Медиумски шок во САД: „Вашингтон пост“ одлучи да не се изјасни за претседателските избори

„Вашингтон пост“ се одлучи да не се изјасни кого ќе поддржи на претседателските избори во САД што е за прв пат по децении, објави во петокот контроверзниот издавач и извршен директор Вилијам Луис.

Во белешката до читателите, Луис рече дека весникот ќе се врати на своите „корени“ со одбивање да понуди поддршка или на поранешниот претседател Доналд Трамп или на потпретседателката Камала Харис.

 „Ние признаваме дека ова ќе се чита на повеќе начини, вклучително и како премолчено одобрување на еден кандидат, или како осуда на друг, или како отфрлање на одговорноста. Тоа е неизбежно. Не гледаме така“, напиша Луис.

Тој продолжи: „Нашата работа во ‘Вашингтон пост’ е преку редакцијата да обезбедуваме непартиски вести за сите Американци и мотивирачки гледишта на нашиот колумнистички тим за да им помогнеме на нашите читатели сами да одлучуваат“.

На вработените им било кажано за одлуката на „напнат“ утрински состанок, за кој „Хаф пост“ истакна дека реакцијата била „еднакво негативна“.

Долгогодишниот извршен уредник на „Вашингтон пост“, Марти Барон, сега пензиониран, остро ја критикуваше одлуката на социјалните мрежи.

„Ова е кукавичлук, а демократијата е нејзина жртва“, напиша Барон. „@RealDonaldTrump ќе го сфати ова како покана за дополнително заплашување на сопственикот @JeffBezos (и другите). Вознемирувачка безрбетност во институција позната по храброста“.

Милијардерот, извршниот директор на „Амазон“, Џеф Безос, го купи „Вашингтон пост“ во 2013 година. „Амазон“ има договори со владата во вредност од милијарди.

Во својата белешка до читателите, Луис наведе како „Вашингтон пост“ не нудел претседателски одобрувања во поголемиот дел од 20 век, земајќи ги повторно доследно со неговото одобрување на Бил Клинтон од 1992 година.

Потоа се појави извештај дека Вил Луис, ги урнал плановите на весникот да ја поддржи Камала Харис за Белата куќа на овие избори.

„Новинарски преглед на Колумбија“ штотуку објави статија во која се вели дека високи личности во „Пост“, вклучително и во делот за колумни и во одборот, се подготвувале да го објават текстот дека „Пост“ ја поддржува Харис, но било одложено. Потоа планот бил сменет од Луис.

Високата претставничка на демократите Сузан Рајс, која беше амбасадор на САД во Обединетите нации и советник за национална безбедност во времето на претседателот Барак Обама, а потоа и директорка на Советот за внатрешна политика на САД под претседателот Џо Бајден, имаше бурна објава на Икс за „Вашингтон пост“.

„Толку од ‘Демократијата умира во темнина’“, рече таа, мислејќи на слоганот на весникот.
Таа продолжи: „Ова е најлицемерниот потег од една публикација што треба да бара одговорност од луѓето од власта“.

Луис привлече критики на почетокот на оваа година за неговите врски со мрачните практики за известување на британските таблоиди. Откако го регрутираше поранешниот уредник на „Дејли телеграф“, Роберт Винет за да ги надгледува вестите на „Вашингтон пост“, беше објавено дека Винет бил вклучен во обидот да искористи измама за да ги добие необјавените мемоари на поранешниот премиер на Велика Британија, Тони Блер. Винет подоцна поднесе оставка.

Реорганизацијата на Луис на редакцијата на „Пост“, исто така, предизвика оставка на извршната уредничка Сали Базби ова лето.

Иако работата на Луис изгледаше загрозена среде бранот на нестабилност во еден од најголемите весници во нацијата, тој досега ја задржа својата функција.

Претходно во текот на неделата, одлуката на „Лос Анџелес тајмс“ (исто така во сопственост на милијардер) да одбие да ги поддржи Трамп или Харис доведе до оставка на уредничката на коментарите Мариел Гарза.