Макрон со години не разговара со мајка си поради Брижит? Неговиот татко се огласил и ги открил сите детали
Угледниот невролог истакна дека е лага дека тој и неговата поранешна сопруга го принудиле нивниот син да го напушти родниот град Амиен за да ја прекине врската со Брижит
Емануел и Брижит Макрон, претседателот на Франција и неговата сопруга, се најдоа во центарот на вниманието поради шокантното видео на кое се гледа како таа наводно му удира шлаканици на својот сопруг откако пристигнаа во официјална посета на Виетнам. Инцидентот се случил во авионот, по слетувањето, а на камерата биле снимени многу контроверзни детали.
Таткото на Емануел, Жан-Мишел Макрон, главно останува настрана од очите на јавноста и не сака да го коментира животот на својот син. Меѓутоа, своевремено во колумна за „Л’Алзас“, објавена само неколку дена пред вториот круг од претседателските избори во Франција во 2022 година, кога граѓаните избираа меѓу Емануел Макрон и Марин Ле Пен, тој зборуваше за гласините што со години кружат за бракот на неговиот син и Брижит Макрон.
Угледниот невролог истакна дека е лага дека тој и неговата поранешна сопруга го принудиле нивниот син да го напушти родниот град Амиен за да ја прекине врската со Брижит.
„Ова се приказни за деца, од самиот почеток важеше договорот Емануел последната година од школувањето да ја помине во Париз, во училиштето ‘Лицеј Анри-IV’, за да може што полесно да се запише на факултет.
Таа новинарка, чие име не сакам да го спомнам и која крајно ме нервира, напиша сè погрешно“, вели тој во колумната, мислејќи на новинарката Ен Фулди, авторка на книга за актуелниот претседател на Франција.
Во пресрет на вториот круг од претседателските избори, Жан-Мишел Макрон го коментираше еден од најголемите озборувања околу бракот на неговиот син и снаа, а за врската меѓу неговата наследничка и Брижит Макрон во март годинава за „La République“ говореше кога призна дека само неговата сопруга имала проблем да го прифати синот.
„Кога си маж и имаш 17 години, од тебе се очекува да правиш што сакаш. Можеби беше рано, но кој сум јас да судам. Со текот на времето се покажа дека вреди“, рекол тогаш и додал дека бил свесен до каде оди приказната уште од самиот почеток на врската на неговиот син со Брижит.
Од друга страна, Брижит Макрон беше причина за лошите односи меѓу Емануел Макрон и неговата мајка. Францускиот претседател наводно одбивал да ѝ се јави и да се види некое време, а потоа работите се подобриле. Мајката на Макрон денеска тврди дека е многу блиска со снаата и синот и дека нејзиниот однос со Брижит е исклучително пријателски. Брижит и Емануел Макрон се венчаа во 2007 година. Брижит Макрон има еден брак и три деца зад себе.