Кралица и принцеза во иста тоалета : Летиција и Викторија го избраа „ХиМ“

Фустанот што одговара на принцезата не мора да чини биде и кралско скапо – како што неодамна покажаа и европските кралски членови, кралицата Летиција од Шпанија и принцезата Викторија од Шведска.

Минатата недела, кралицата Летиција во чест на своите домаќини, кралот Карл Густаф и шведската кралица Силвија на државната вечера во Стокхолм, избра  фустан од тул од шведскиот бренд H&M. Фустанот што таа го избра е токму истиот што го носеше принцезата Викторија, ќерката на кралот Карл Густаф и кралицата Силвија, за нејзината 10-годишнина од бракот минатата година.

Темносиниот фустан , дел од еколошката колекција Conscious на H&M, се продава по цена од 305 долари (повеќе не е достапен) и е целосно направен од рециклиран полиестер. Фустанот беше обложен со органза од полиестер RENU, изработен од суровина извлечена од искористена ткаенина, со појас  и длабок грб со V-деколте.

Додека принцезата Викторија изгледаше како да ја модифицира нејзината тоалета со додавање проѕирни ракави (најверојатно поради историската природа на настанот). Кралицата Летиција во таа пригода ја носеше дијамантската тијара  – Флеур-де-Лис Тиара на кралицата Ена, која е во шпанското кралско семејство од 1906 година.

И Летиција и Викторија се обожаватели на H&M и често носат парчиња од брендот кој е прифатлив за буџетот. Во 2015 година, принцезата Викторија на свадбата на нејзиниот брат, принцот Карл Филип, носеше сребрено-бел фустан од истиот бренд.

Во 2019 година, кралицата Летиција носеше здолниште до глуждовите со текстура од лен и мешавина од свила од колекцита на H&M на приемот во палатата за COP25, Конференцијата на Обединетите нации за климатски промени.

Гламурозниот гала настан на 24 ноември беше дел од дводневната посета на Шведска и ја одбележа првата шпанска државна посета на земјата по повеќе од 40 години, и покрај фактот што и двата крала се во далечна роднинска врска.