Компанија од Зајас единствена пријавена на тендер, МНР тактизира

Откако компанијата „Еуроинвест Медиу“ со седиште во село Зајас преку допис до медиумите реагираше на одолговлекување на тендерската постапка од страна на Министерството за надворешни работи за избор на фирма која треба да изврши реконструкција на дипломатски објект во Цирих, Швајцарија, реагираа и од МНР.  „Еуроинвест Медиу“ била единствената пријавена на тендерот на МНР, а причината што се одогловекува одлуката ја гледаат во фактот што седиштето на компанијата е во Зајас, што пак според нив претставува „атрактивна политичка информација“. Според реакцијата, овој факт „не смее да преставува ограничувачки фактор за нашата економска, техничка, кадровска и стручна екипираност за изведување на предвидените градежни работи“. 

Од МНР денес возвратија дека постапката за избор на најповолен понудувач за реконструкција на постојниот дипломатски објект во Цирих е во тек.

-На огласот има пријавено само една компанија за ДЕЛ-1- компанијата „Еуроинвест Медиу“ од село  Зајас додека две понуди има за ДЕЛ-4. Иако е завршена евалуацијата на законските и тендерските побарувања на понудите од страна на комисијата за јавни набавки, сепак, поради чувствителноста на јавноста,  по насока на министерот, а со цел целосна транспарентност, побарани се дополнителни гаранции и потврди со кои ќе се укаже дека компанијата нема конфликт на интерес од било кој тип. Иако не е законска обврска, ниту пракса, комисијата за набавки при Министерството за надворешни работи побара и доказ дека компаниите не се донатори на политички партии.Во рамките на целата постапка, за делот каде што има пријавено повеќе од една компанија, ќе биде одржана електронска аукција.По завршување на сите постапки Министерството ќе се води само по словото на законот и нема да дозволи никакви субјективни фактори да влијаат при одлуката за избор. стои во одговорот на МНР.