И Џулијан Асанж беше на погребот на папата Франциско

Основачот на Викиликс, Џулијан Асанж, се појави јавно во саботата, на последното збогување со папата Франциско во Ватикан.

Педесет и тригодишниот новинар и активист беше на плоштадот „Свети Петар“ со еден од своите синови.

Од 2010 година, Викиликс објавува, меѓу другото, тајни материјали на информаторката Челси Менинг за воените операции на САД во Ирак и Авганистан.

Иако САД го обвинија по повеќе точки, поддржувачите на Асанж го сметаат за храбар новинар кој разоткрил воени злосторства.

Плашејќи се од судење, Асанж избега и се засолни во еквадорската амбасада во Лондон седум години, а во 2019 година беше уапсен за екстрадиција.

Сепак, на крајот на јуни 2024 година, тој беше ослободен, како дел од договорот со Министерството за правда на САД, и се врати во својата татковина Австралија.