Хрватска под снег – ќе имаат бел Божик

Снег паѓа низ цела Хрватска, почнувајќи и во низините.

Според најновата прогноза за Бадник и Божиќ, се очекува изразена промена на времето, а Бадник ќе биде обележан со претежно облачно време со чести врнежи и силен ветер, особено на Јадранското Море.

Снег паѓа на загрепско Сљеме. Врвот на Медведница побеле целосно, а дебели снегулки сè уште паѓаат.

И во Самобор почнаа да се веат снегулки. Во Загреб, пак, врне дожд.

Утре во внатрешноста ќе се задржи претежно облачно време, со повремена лапавица и снег. Јадранот ќе биде променливо облачен, а во првиот дел од денот сè уште ќе има врнежи од дожд, првенствено на далматинските острови.

Ветерот ќе биде слаб до умерен североисточен, на истокот од земјата до силен источен. Во Јадранот ќе дува умерен до силен ветер, со налети на бура, а во подножјето на Велебит, со сила на ураган. Температурите во внатрешноста главно ќе се движат помеѓу 0 и 4 °C, додека во Јадранот најниските утрински температури ќе се спуштат на 6 до 11 °C, а највисоките дневни температури ќе достигнат помеѓу 10 и 15 °C.