Хаос во Америка: Вонредна состојба – поплавено метро, откажани летови (фото/видео)
Силните бури предизвикаа поплави низ Њујорк и делови од североисточниот дел на САД, додека во Њу Џерси беше прогласена вонредна состојба поради обилни врнежи од дожд и ризик од поплави.
Предупредувањето за поплави е на сила од синоќа за сите пет општини на Њујорк, а градските власти ги повикаа граѓаните да избегнуваат подруми и ниски подрачја, пишува Индепендент.
На социјалните мрежи се појавија бројни видеа на кои се гледаат поплавени станици на метрото во Њујорк, автомобили заглавени во вода и вода што се слева по скалите и пероните на метрото.
Storms prompted flash flood warnings across the New York City metropolitan area Monday night, causing subway delays and road closures across the city, as well as in parts of New York state and New Jersey: US media reports pic.twitter.com/OOADlaNTJT
— Global Times (@globaltimesnews) July 15, 2025
Гувернерот на Њу Џерси, Фил Марфи, прогласи вонредна состојба, повикувајќи ги жителите да останат дома и да избегнуваат патувања.
„Поради обилни врнежи од дожд и ризик од поплави, советуваме максимална претпазливост“, напиша Марфи на X.
Rains and storms batter parts of US: Flash flood warning issued across New York City; state of emergency declared in New Jersey https://t.co/Rf9XTIBvk9
— Amrita Bhinder 🇮🇳 (@amritabhinder) July 15, 2025
Бурата предизвика прекини во воздушниот сообраќај на најмалку шест главни аеродроми на Источниот брег. Аеродромите ЏФК и Ла Гвардија во Њујорк, како и Њуарк Либерти во Њу Џерси, добија наредба привремено да ги приземјат летовите, предизвикувајќи неколкучасовни доцнења. Слична ситуација беше забележана и на аеродромите во Филаделфија, Балтимор и Вашингтон.
Flood, Plainfield, New Jersey#Plainfield #NewJersey pic.twitter.com/bgTgGcwqan
— Chaudhary Parvez (@ChaudharyParvez) July 15, 2025
Според проценките на Националната метеоролошка служба, во некои делови од Њујорк наврнаа помеѓу 50 и 75 милиметри дожд за краток временски период.
BREAKING: Extreme Rainfall Triggers Severe Flooding in New Jersey #flood #NewJersey pic.twitter.com/ILcIWv1uSw
— MOHAMMAD AHSAN (@MOHAMMAD_AARSH) July 15, 2025
Во подоцнежните часови од понеделник, врнежите се движеа кон исток и постепено го изгубија интензитетот. Сепак, властите предупредуваат дека денес може да го погоди регионот нов бран врнежи од дожд, заедно со екстремно високи температури и висока влажност.
Градските власти издадоа предупредување за комбинација од интензивна топлина и можни понатамошни поплави, со температури што би можеле да достигнат или надминат 38 степени Целзиусови.
Flash flood warning issued for New York City, New Jersey declares emergency amid heavy rains https://t.co/sKuC1w5VCQ
— Sonia (@Sonia_HQ) July 15, 2025
Поради големиот број откажани и доцнења на летови, патниците пријавија доцнења од неколку часа на аеродромите и пренасочувања на летови, што го отежна патувањето во текот на вечерта.