„Галуп“ предвидува победа на ГЕРБ на изборите во Бугарија

Резултатите од излезната анкета на Галуп Интернешнeл покажуваат дека партијата ГЕРБ на поранешниот премиер Бојко Борисов освоила 26,7% од резултатите на денешните избори во Бугарија, коалицијата „Продолжуваме со промените/Демократска Бугарија“ (ПП/ДБ) на Кирил Петков и Христо Иванов има 15,5 отсто од гласовите додека Движењето за права и слободи (ДПС), предводено од Делјан Пеевски има 15,1%. Според Галуп Интернешнел, „Преродба“ освоила 14,7%, БСП – 9,8%, а „Има таков народ“ – 6,4%.

Сепак, ова се само прогнози, со оглед на тоа што избирачките места се затвораат во 20 часот, а првичните резултати ќе се знаат по полноќ.

Бугарите денеска паралелно гласаат и за свои претставници во Европскиот парламент.Според последните податоци на Централната изборна комисија, излезеноста до 16 часот била 20,44% за Националното собрание и 20,89% за Европскиот парламент.