Француски град од бајките за кој малкумина слушнале: Неговата убавина е зачудувачка

Францускиот град Анси, сместен во близина на швајцарската граница, го доби прекарот „Венеција на Алпите“ благодарение на својот добро зачуван средновековен центар испресечен со канали и камени мостови. За разлика од другите градови во Франција, Анси е малку позната дестинација.

Многу луѓе минуваат низ главниот град на Горна Савоја на пат кон фенси скијачки центри како Шамони и Межев, како и езерото Анси, чија надреална нијанса на тиркизна боја е толку волшебна што го инспирирала Пол Сезан. Сепак, Анси е сè уште скриен бисер и не привлекува многу туристи.

„Иако Франција е најпосетуваната земја во светот, повеќето луѓе всушност не патуваат подалеку од Париз. Анси е совршен пример за дестинација што Французите ја сакаат, но честопати ја занемаруваат туристите“, рече Марк Бонте од „Френч Сајд Травел“.

Париз се смета за главен град на гастрономијата, но областа на езерото Анси стана езеро со најмногу Мишелин ѕвезди во Европа благодарение на Франк Деруе од „Ле Клос де Сенс“ и Жан Сулпис од „Л’Оберж ди Пере Биз“. И двајцата користат локални состојки во своите јадења, што им дава посебен шарм на нивните јадења.

„Савоја има сè што луѓето сакаат кај Швајцарија – планини, алпски сирења и кристално чисти езера, но по многу пониска цена“, вели париската туристичка блогерка Кетрин Даун.