Франција го заплени замокoт на Роман Абрамович на Азурниот брег вреден 98 милиони долари
САД- Замокот на Роман Абрамович вреден 98 милиони долари беше запленет од француската полиција како дел од акцијата за сузбивање на имотот на милијардерот, најпрвин објави Le Parisien.
Француското Министерство за економија и финансии во средата соопшти дека запленило вкупно 33 имоти, четири јахти и шест хеликоптери во сопственост на санкционирани олигарси, според Le Parisien.
„Има 33 имоти кои се замрзнати, вклучително и десетина кои му припаѓаат на Роман Абрамович“, изјави извор од француското Министерство за финансии, цитиран во публикации во Велика Британија, вклучително и „Мирор“ и „Дејли мејл“.
Еден од имотите бил Шато де ла Кроe, кој е во сопственост на Абрамович и се наоѓа во градот Кап д’Антиб, туристички град меѓу Кан и Ница на француската ривиера, според Le Parisien. Милијардерот потрошил околу 100 милиони евра (109 милиони долари) за реставрација на луксузната вила, објави Le Parisien.
Локалните агенти за недвижнини изјавија за The Mirror дека вилата се проценува на околу 90 милиони фунти (98 милиони долари) и може да се пофали со 15-метарски базен на покривот, теретана и кино во подрумот.
Шато де ла Кроe, изграден во 1920-тите, наводно бил изнајмен од англискиот крал Едвард VIII пред Втората светска војна, a подоцна стана дом на војводата и војвотката од Виндзор во егзилот во Франција.
Сите имоти што неодамна ги заплени Франција изнесуваат повеќе од 25 милиони евра (27 милиони долари), рече изворот од француското Министерство за финансии, цитиран во The Mirror и The Daily Mail. „Сето тоа е дел од програмата за санкции што се воведуваат против Руската Федерација како одговор на нејзината инвазија на Украина“, додаде изворот.
Некои од имотите на олигарсите се наоѓаат во живописните француски градови, вклучувајќи ги Сен Тропе, Антиб, Кан, Ле Лаванду, Сен Жан-Кап-Фера и Мерибел, објави Ле Паризиен.
Веста доаѓа откако владата на Џерси замрзна повеќе од 7 милијарди долари имот за кои се сомнева дека се поврзани со Абрамович.