Флорида се подготвува за најголемата евакуација од 2017 година поради ураганот Милтон

Вашингтон – Американската држава Флорида се подготвува за најголемата евакуација од 2017 година поради бурата Милтон, која доби сила на ураган додека се движеше низ Мексиканскиот Залив кон западниот брег на Флорида.

Милтон, кој од тропска бура се засили во ураган во неделата, се очекува да падне на копно во среда наутро, кога најверојатно ќе погоди област во близина на густо населената област заливот Тампа на западниот брег на Флорида, соопшти Националниот центар за урагани на САД во изјава со седиште во Мајами, објави Ројтерс.

Гувернерот на Флорида, Рон Де Сантис, предупреди дека бурата Милтон може да зајакне и да предизвика повеќе прекини во електричната енергија отколку што предизвика ураганот Хелена во неколку американски држави пред десет дена, објави Ројтерс.

Во меѓувреме, американскиот претседател Џозеф Бајден нареди да бидат распоредени дополнителни 500 војници за справување со последиците од ураганот Хелена, со што бројот на воениот персонал достигна 1.500.

Администрацијата на Бајден одобри федерална помош од 137 милиони долари и вети дополнителна помош бидејќи се предвидува дека штетите од ураганот Хелена ќе достигнат милијарди долари.

Американските сојузни држави Северна Каролина, Флорида и голем дел од Јужна Каролина се уште се опоравуваат од последиците на ураганот Хелена.

Повеќе од 200 луѓе загинаа во шест американски сојузни држави во ураганот Хелена, што го прави најсмртоносниот по ураганот Катрина во 2005 година, уби речиси 1.400 луѓе.