Европа се бори со голем снег и ниски температури. Загинаа шест лица

Шест лица загинаа додека снегот, мразот и ниските температури продолжуваат да предизвикуваат хаос низ делови од Европа.

Властите во регионот Ланд во југозападна Франција соопштија дека три лица загинале, а 15 се повредени во сообраќајни несреќи во вторникот, додека уште две лица загинале во несреќи во областа на Париз. Еден возач починал во болница во понеделник вечерта откако излетал во реката Марна, а друг загинал по судир со тешко товарно возило на истокот од француската престолнина.

Во босанската престолнина Сараево, една жена почина во понеделник откако гранка од дрво покриена со снег падна врз нејзината глава.

Многу летови ќе бидат откажани од двата главни аеродроми во Париз, „Роаси-Шарл де Гол“ и „Орли“, рано во средата за да им се овозможи на екипите на земја да го исчистат снегот од пистите и авионите за одмрзнување. Се очекуваше околу 40% од летовите на „Шарл де Гол“ да бидат откажани, а 25% на Орли.

Париз се разбуди во вторник со снежна покривка на покривите и спомениците.

Во Холандија, стотици летови беа откажани на аеродромот „Схипхол“ во Амстердам, додека персоналот работеше на расчистување на пистите и одмрзнување на авионите. Патниците со железница во земјата се соочија со хаос откако домашните услуги беа суспендирани рано во вторникот поради прекин на ИТ-системот, што го зголеми нарушувањето предизвикано од временските услови.

Услугите на возот „Еуростар“ до Париз од Амстердам беа или откажани или доцнеа.

Низните температури го зафатија поголемиот дел од Европа, а термометарот падна далеку под -10 степени Целзиусови во јужна и источна Германија рано во вторник. Германските метеоролози прогнозираат бура во земјата во петок, а се очекуваат обилни снежни врнежи на север и исток.

Во Велика Британија, температурите паднаа на -12,5 степени Целзиусови преку ноќ, а снегот го попречи железничкиот, патниот и воздушниот сообраќај и предизвика затворање на стотици училишта низ северните региони.

Температурите во низинските области на северна Италија паднаа под нулата, а снег се очекува во областите со средна до ниска надморска височина Емилија-Ромања, Марке и Тоскана во вторник.

Централните и јужните региони во Италија доживуваат благи ветрови кои носат обилни дождови. Непрекинатиот дожд во Рим ги наполни бреговите на реката Тибар, со што го забави Богојавление-благословот на папата Лав на плоштадот „Свети Петар“, кој беше само делумно полн, бидејќи само неколку илјади луѓе се собраа под чадори.

Роберто Гвалтиери, градоначалникот на Рим, издаде наредба за вторник со која се ограничува пристапот на јавноста до парковите и другите области каде што постои ризик од паѓање дрвја и поплави. Два огромни борови паднаа во последните денови поради лошите временски услови во италијанската престолнина – едниот на „Виа деи Фори Империјали“, во близина на Колосеумот, а другиот на „Виа Апија Нуова“.

Силен снег и обилни дождови ги зафатија балканските земји, полнејќи ги реките и предизвикувајќи проблеми во сообраќајот и прекинувајќи го снабдувањето со електрична енергија и вода.

Во Србија, некои локални власти на западот од земјата воведоа итни мерки поради лошите временски услови, додека ги предупредуваа возачите да бидат внимателни бидејќи многумина тргнуваат кон скијачки центри или на друго место за православен Божикво среда и претстојниот викенд.

Силен ветер и бурно море го погодија јадранскиот брег во Хрватска и Црна Гора.