Експлозија кај амбасадата на САД во Лондон, евакуација и на аеродромот Гетвик

 Британската полиција изврши контролирана експлозија откако „сомнителен пакет“ беше пронајден пред амбасадата на САД во Лондон.

Метрополитен полицијата постави безбедносни кордони околу локацијата во Најн Елмс, јужно од реката Темза, јавуваат британските медиуми.

„Можеме да потврдиме дека ‘гласната експлозија’ што беше пријавена во областа е контролирана експлозија изведена од страна на полицијата,“ стои во објавата на лондонската полиција на платформата Икс, со дополнување дека истрагата продолжува, а кордоните ќе останат присутни уште некое време.

🚨BREAKING
Gatwick Airport Evacuation!
Gatwick Airport’s South Terminal has been evacuated due to an ongoing security incident. The airport has announced that passenger and staff safety is the top priority as investigations continue, so the Gatwick Express trains are not… pic.twitter.com/jqWdjV284G

— John Cremeans USA (@JohnCremeansUSA) November 22, 2024

Во меѓувреме, од аеродромот Гетвик известија дека „голем дел“ од јужниот терминал е евакуиран поради истрага на можен безбедносен инцидент. „Патниците нема да можат да влезат во јужниот терминал додека трае истрагата,“ се додава во изјавата.

Засега нема информации дали постои поврзаност меѓу сомнителниот пакет кај амбасадата на САД и евакуацијата на аеродромот.