Девојка докторирала на Универзитетот во Аризона на 17-годишна возраст

Американската тинејџерка од Чикаго, Дороти Џин Тилман Сектер, докторирала на Универзитетот во Аризона минатата година на 17-годишна возраст, додека на факултет се запишала на десет години.

„Минатиот декември таа успешно ја одбрани својата докторска дисертација и стана најмладата личност со докторат во областа на интегрираното здравје во однесувањето на Универзитетот во Аризона“, изјави професорката Лесли Менсон за ABC.

Тилман, позната како „Генијалката Дороти“, е внука на поранешната градска советничка во Чикаго, Дороти Тилман.

Кога повеќето ученици на нејзина возраст сè уште биле во повисоките класови од основното образование (middle school) , Тилман одела на часови преку Колеџот во округот Лејк во северен Илиноис. Студирала психологија и завршила вонреден степен во 2016 година.

Таа се стекна со диплома по хуманитарни науки на Екселсиор колеџот во Њујорк во 2018 година. Околу две години подоцна, таа го заврши својот магистерски степен на науки на колеџот Унити во Мејн. Во 2021 година, таа започна да работи на својата докторска диплома во државата Аризона.

Поголемиот дел од нејзиното образование  е стекнато на интернет додека таа живее дома.

Нашла време за танцова програма и основала организација наречена Dorothyjeanius STEAM Leadership Institute. STEAM се залага за „наука, технологија, инженерство, уметност и математика“. Програмата им помага на младите заинтересирани за тие предмети за време на училишните распусти.

Сега кога ги завршила студиите, Тилман, која сега има 18 години, планира да работи на собирање пари за да ја прошири својата организација. Таа се надева дека ќе ја спроведе програмата и на други места надвор од Чикаго.