Денес во Москва беа измерени 12,6 степени, најстудениот на 30 јуни откако се вршат мерења

 Метеоролозите го регистрираа најстудениот 30 јуни во Москва откако се извршени мерења, а температурата на воздухот беше 12,6 степени Целзиусови, објави Метеоролошкиот центар „Фобос“.

„До 15:00 часот по московско време, термометарот покажа само 12,6 степени. Ова ги руши претходните рекорди од 1962 и 1976 година, кога на овој ден беа измерени 14 и 14,7 степени“, напиша Јевгениј Тишковец, водечки експерт во Центарот, во „Телеграм“.

Покрај овој рекорд, денес во Москва е измерен најнискиот атмосферски притисок во последните најмалку 45 години. Михаил Леус, експерт во Метеоролошкиот центар „Фобос“, објави дека барометрите покажале вредност од 728,3 милиметри.