Дедо Мраз тргна на патувањето низ светот, следете го во живо

Дедо Мраз и неговите ирваси го започнаа своето патување околу светот, а во следните 24 часа ќе застанат на бројни места.

Секоја година, Северноамериканската команда за воздушна одбрана (НОРАД) обезбедува следење на санките на Дедо Мраз во реално време додека патува низ планетата.

Оваа традиција трае од 1955 година, кога грешка во реклама на стоковна куќа довело до тоа дете да се јави во воениот команден центар барајќи да разговара со Дедо Мраз.

Воздухопловниот полковник Хари Шуп, кој одговорил на повикот таа вечер, решил малку да се забавува и влегол во улогата на Дедо Мраз. Потоа пристигнале уште повици, поради што му доделил задача на службено лице да ги преземе сите повици и со тоа започнал празничниот обичај кој НОРАД го продолжил и по неговото создавање во 1958 година.

Со децении, НОРАД ги остава настрана своите вообичаени должности во воздушниот простор за да одговори на прашањата на децата за патувањата на Дедо Мраз и неговата мисија за доставување подароци.

Секоја година, најмалку 100.000 деца се јавуваат во НОРАД за да се распрашаат за локацијата на Дедо Мраз, а милиони луѓе го следат неговото патување по меридијаните на Земјата онлајн. Сега можете и вие да го направите тоа.