Чилеанецот Табило го разнесе Ѓоковиќ на мастерсот во Рим

Алехандро Табило оствари огромен успех на Мастерсот во Рим каде го победи шесткратниот шампион Новак Ѓоковиќ со 6-2, 6-3 со моќен настап во третото коло.

Чилеанецот (29 носите) играше брилијантно и со форхенд и со бекхенд во својот прв судир со Ѓоковиќ, кој даде некарактеристично ниско-енергетски настап на Форо Италико. Табило го скрши сервисот на Србинот четири пати и не се соочи со брејк топка на патот до победата од 68 минути.

„Тоа е неверојатно“, рече Табило. „Дојдов на теренот само гледајќи наоколу, само се обидував да го впијам сето тоа и обидувајќи да обработам сè. Само се обидувам да се разбудам во моментов“.

Со неговата победа, Табило се пласираше во четвртото коло на турнирот Мастерс 1000 по втор пат, откако стигна до таа фаза во Индијан Велс во 2023 година. Следен противник на Чилеанецот во Рим ќе биде 16-от носител Карен Хачанов, кој претходно го победи Франциско Серундоло со 6-2, 6-4.

Победата во неделата е уште една пресвртница во одличната 2024 година досега за Табило, кој пристигна во Рим на 32-то место во кариерата на АТП рангирањето.

„Само се обидував да ги задржам нервите“, рече тој откако го декласира Ѓоковиќ. „Очигледно секогаш кога ќе се чувствувате како да сте поблиску до крајот, вашите раце почнуваат да се стегаат малку и почнувате да се тресете. Па само се обидував да не размислувам за тоа и да земам поен по поен. Тоа е лудо, не можам да верувам што се случи“.

Поразот во Рим го остава Ѓоковиќ да ја брка својата прва титула сезонава. Првата следна шанса за него е Ролан гарос, каде ја брани титулата.

По мечот Србинот изјави дека е загрижен. „Едноставно не можев да најдам никакви добри чувства на теренот, да бидам искрен, удирајќи ја топката. Бев целосно аут“, изјави Ѓоковиќ

Ѓоковиќ беше прашан дали чувствува оти инцидентот со шишето вода што случајно падна врз неговата глава по мечот во претходното коло влијаел врз него.

„Не знам, да бидам искрен. Морам да го проверам тоа“, изјави Ѓоковиќ. „Подготовката беше поинаква. Вчера бев на [еден] лесен тренинг. Ништо не чувствував. Денес под голем стрес беше многу лошо – не во однос на болката, туку во однос на оваа рамнотежа. Без координација. Сосема поинаков играч од оној што беше пред две вечери. Морам да направам медицински прегледи и да видам што се случува“.

Тој имаше многу пофалби за 26-годишниот играч, кој го подигна својот прв трофеј на турнејата во Окленд на почетокот на сезоната.

„Честитки за мојот противник“, рече Ѓоковиќ. „Прв пат се соочувам со него. Одличен играч. Навистина квалитетен играч. Сеопфатна игра“.