Бурата „Бајрон“ ја парализира Грција – поплави, свлечишта, прекин на сообраќај
Бурата Бајрон го парализира поголемиот дел од Грција. Девет региони, вклучително и Атика, се под официјално предупредување за екстремни услови. Поплави, лизгања на земјиште и прекин на сообраќај се пријавени во повеќе подрачја.
На островот Закинтос, водата навлезе во патишта и обработливо земјиште, а сообраќајот меѓу Закинтос и Аликес е целосно прекинат. Во селото Литакија, земјата се лизга во насока на куќите. Властите ги повикаа жителите да не излегуваат, освен ако не е апсолутно неопходно.
🇬🇷🚨 THREE PEOPLE RESCUED FROM FLOODED VEHICLE IN GREECE
🔴Dramatic scenes went viral in Skala, Greece, where three people were rescued at the last second after being trapped inside a completely flooded vehicle.
🗣️The case had a strong impact on social media and international… pic.twitter.com/iqsTrAQBpK
— THE INFORMANT USA 🇺🇸 (@TheInformantUSA) December 4, 2025
Во Гитео, особено во селото Платанос, беше испратено итно предупредување. Водата влезе во куќи, уништи полиња и автомобили, а мртви животни пловат низ поплавените улици.
– Сцените се библиска катастрофа, целата населба беше под вода за неколку часа – изјавија мештаните за Прототема.
🌧️🔺 Red Alerts in Greece for heavy rain! The storm system "Byron" is causing floods, landslides & disruptions, especially in Laconia, Pieria, Evrotas & Zakynthos. Stay cautious & follow updates! 👉 Check meteoblue for warnings: https://t.co/PGHaSXijOt#GreeceWeather pic.twitter.com/wlupIwK9he
— meteoblue (@meteoblue) December 4, 2025
Многумина побегнаа на покривите за да се спасат, додека земјоделците велат дека приземјата на куќите се поплавени до таванот, а поплавата однела машини, добиток и автомобили. Најранливите, претежно постари лица, чекаат да бидат евакуирани со чамци.
Без електрична енергија и мобилна мрежа останаа стотици домаќинства. Наставата е прекината во училиштата на Родос, Тира, Тилос, Сими и Кастелоризо. Националната метеоролошка служба предупредува дека дождовите и бурата ќе продолжат до сабота, со ризик од град и ветрови со ураганска сила.