Британец освои џекпот од 184 милиони фунти

Еден Британец стана среќен добитник на лото џекпот од 184 милиони фунти (215 милиони евра) на најголемата лотарија во Велика Британија – Еуромилионс.

Победничките броеви во вторникот беа 3, 25, 27, 28 и 29, а дополнителните два броја за џекпот – 4 и 9.

Од основањето на лотаријата во 2004 година, 15 играчи освоија џекпотови поголеми од 100 милиони фунти.

Победникот на овогодинешната лотарија стана побогат од пејачката Адел (130 милиони фунти) и боксерот Ентони Џошуа (155 милиони фунти), покажува листата на „Сандеј тајмс“.

До ова извлекување, рекордната добивка на лотарија во Велика Британија изнесуваше 170 милиони фунти, поставен во 2019 година.

Победникот одлучи да остане анонимен.

Кога парите ќе бидат подигнати, сопственикот ќе одлучи дали сака да излезе во јавност.

Колин и Крис Вир од Северен Ершир во Шкотска, кои во 2011 година освоија 161 милион фунти се најголеми добитници кои излегле во јавност и на берза.

Вир ги искористи парите да го преземе омилениот фудбалски клуб Патрик Тисл, со намера да го подари сопствеништвото на навивачите.

Двојката од Северен Ершир објави во 2019 година дека се разведуваат по 38 години брак, а неколку месеци подоцна Вир почина на возраст од 71 година.

Френсис Коноли, која со сопругот Патрик освоија 115 милиони фунти во 2019 година, што ги прави осми најголеми добитници на лотарија, вели дека минатиот месец подарила повеќе од половината од богатството.

Оваа 55-годишна жена од Хартпул додава дека помагањето на другите прави да се чувствува жива.

– Сега сум зависна од тоа – додава таа.

Енди Картер од Камелот, виш советник за победници во Националната лотарија оцени дека ова била „неверојатна ноќ за еден сопственик на ливче во Велика Британија, кој освои 184 милиони фунти и стана најголем добитник во земјата досега“.

„Играчите се повикуваат да ги проверат своите картички и да нѐ повикаат ако мислат дека се вечерашни среќни добитници“, додава Картер.