Безбедносните мерки во Вашингтон се засилени по убиството на двајца вработени во израелската амбасада

 Безбедноста околу местата за богослужба во Вашингтон е зголемена по смртоносниот напад во близина на Еврејскиот музеј, додека во тек се подготовките во еврејската заедница во главниот град на САД за прослава на Шабат, соопшти полицијата.

Во Вашингтон, „ќе видите зголемено присуство на полицајци, ќе не најдете околу нашите религиозни организации, ќе видите зголемено присуство околу нашите училишта и места како што е Еврејскиот заеднички центар“, изјави началникот на полицијата Памела Смит на прес-конференција.
„Ние стоиме рамо до рамо со нашите сограѓани еврејски граѓани“, додаде таа.

Двајца вработени во израелската амбасада во САД беа застрелани во средата навечер во близина на Еврејскиот музеј, додека музејот организираше прием за еврејска организација.

Се верува дека осомничениот, идентификуван од полицијата како Елијас Родригез, 31, од Чикаго, извикувал пропалестински слогани пред пукањето. Тој вчера беше обвинет за убиствата.

Американскиот претседател Доналд Трамп и израелскиот премиер Бенјамин Нетанјаху го осудија антисемитскиот напад, а израелскиот премиер вчера издаде наредба за зајакнување на безбедноста во сите дипломатски мисии на земјата низ целиот свет.