Бајден објави пакет помош во оружје за Украина од 425 милиони долари

Американскиот претседател Џо Бајден денеска најави нов пакет оружје за Киев во вредност од 425 милиони долари во разговор со претседателот Володимир Зеленски, пред средбата со европските лидери во Берлин.

„Новиот пакет ќе се состои од „дополнителни капацитети за воздушна одбрана, муниција, оклопни возила за да се задоволат итните потреби на Украина“, се вели во соопштението на Белата куќа.

Во објавата на X, Зеленски им се заблагодари на САД за новиот пакет и наведе дека вклучува и „оружје со голем дострел“. Тој не прецизираше каков вид на оружје и не ја спомна тековната дебата околу дозволувањето на западното оружје да се користи за удари во Русија.