Според Владата најголем загадувач на воздухот е греењето на дрва

Загревањето на домовите е најголем загадувач на воздухот. Ова е заклучокот од извештајот на интер-ресорската работна група составена од 17 државни институции и граѓански и еколошки организации, која работеше на анализа на овој проблем кај нас.

– Лоцирани се изворите на загадување. Според овој извештај загревањето на домовите, односно греењето е најголем загадувач на воздухот, вели владиниот портпарол Миле Бошњаковски.

Според извештајот, се предлагаат неколку мерки против загадувањето на воздухот, меѓу кои и евентуално враќање на исклучените граѓани од системот на централно греење на Град Скопје. Со дел од мерките Владата во иднина ќе направи законски измени за обврска на секој инвеститор при добивање на градежна дозвола, да приложи проект за начинот на затоплување на самиот објект.