СДСМ: Собранието денеска кажа ДА за македонската иднина

Собранието кажа ДА за македонската иднина, се отвораат перспективите, поканата за влез на Македонија во НАТО е ставена на дневен ред. Конечниот Договор за решение на 25-годишниот спор што ја влечеше земјава надолу ги отвора евроатланстските перспективи, се вели во соопштението на СДСМ.

„Веста дека Северноатлантскиот совет прифатил поканата за влез на Македонија во НАТО да биде ставена на дневен ред на следниот самит на Алијансата е уште една потврда дека Договорот е патриотски чин кој обезбедува сигурна иднина на државата, на граѓаните. Лидерството е препознаено, Македонија чекори кон целосна интеграција во НАТО и ЕУ. Со Договорот се зајакнува и заштитува македонскиот идентитет, никогаш повеќе да не биде негиран или оспоруван. Договорот е историска можност за македонската иднина. Конечниот збор за решението ќе го имаат граѓаните. Убедени сме дека на референдумот, граѓаните ќе кажат ДА за обезбеден и гарантиран македонски идентитет, ДА за целосна интеграција во ЕУ и НАТО, ќе кажат ДА за македонската иднина“, се наведува во соопштението.