Новогодишни пакетчиња за децата од Клиниката за детски болести и Клиниката за онкологија

Член од Тимот за спасување на планина на Црвениот крст маскиран во Дедо Мраз, денеска ќе се спушта по јаже и ќе дели подароци на сите децата хоспитализирани на Клиниката за детски болести и на Клиниката за онкологија.

– Во пресрет на новогодишните празници, Тимот за спасување на планина, како дел од Тимот за одговор при катастрофи на Црвен крст на град Скопје и волонтерите на Црвен крст Центар денеска на Клиниката за детски болести и Клиниката за Онкологија при Клиничкиот центар Мајка Тереза – Скопје, ќе организираат показна вежба. Член од Тимот за спасување на планина, маскиран во Дедо Мраз, ќе се спушта по јаже и ќе дели подароци на сите децата хоспитализирани во двете клиники, соопшти Црвениот крст на Град Скопје.

Вежбата се реализира во соработка со Општина Центар и Бугарската амбасада  во РМ.

Фото: Б. Грданоски