Во сообраќајна несреќа во Мексико загинаа најмалку 25 мигранти
Најмалку 25 централноамерикански мигранти загинаа, а десетици се повредени во Мексико, кога камион кој ги пренесувал излетал од патот.
Возилото излетало од патот меѓу градовите Сојале и Чикоасена, во јужниот дел на сојузната држава Чиапас, а која граничи со Гватемала.
Главниот обвинител во земјата вели дека во несреќата најмалку 25 се загинати и 29 се повредени. Според информациите од властите, жртвите патувале во бел камион кој тежел околу три тони и немал регистарски таблички.
Фотографии од местото на несреќата го покажуваат камионот во бездна и расфрлани тела насекаде. Сѐ уште не е јасно која е причината за несреќата.
Мигрантите кои преку Мексико патуваат кон САД, често наместо да одат пешки стопираат возила како камиони, за да стигнат побрзо до целта.
Мигрантите кои преку Мексико патуваат кон САД, често наместо да одат пешки стопираат возила како камиони, за да стигнат побрзо до целта.