Во Битола утрово минус 18, во Скопје минус 12

Минусни температури изутринава има насекаде низ Македонија, а најстудено е во Битола каде што се измерени 18 степени под нулата. Во Тетово е -16, во Прилеп -15, а -12 во Скопје.

Најмногу снег има во Маврово 70 см, во Крушево 36, а на Попова Шапка 30 см.

Синоптичарите за денеска најавуваат претежно облачно време, околу пладне и попладне со повремени врнежи од снег со слаб, а во западните делови со слаб до умерен интензитет. Во вечерните и ноќните часови ќе дува умерен северозападен ветер, кој повремено ќе засилува.

Максималната температура ќе достигне од -4 до 4 степени.

Во Скопје облачно, од пладне со повремен слаб снег. Кон крајот на денот ќе дува умерен северозападен ветер. Максималната температура ќе биде околу -2 степена.