Британската премиерка Тереза Меј на 17 мај во Скопје

Британската премиерка Тереза Меј на 17 мај ќе допатува во земјава, веднаш по средбата Заев-Ципрас што ќе се одржи во Софија, јавува Макфах.

Таа се очекува да оствари средби со државно-политичкиот врв на Македонија. Ова е прва посета на толку висок државник од Велика Британија по подолго време. Претходно Тони Блер како британски премиер беше во Македонија во 1999 година за време на бегалската криза на Косово.

На иницијатива на британската премиерка на 9 и 10 јули во Лондон ќе се одржи Самит со премиерите од земјите на Западен Балкан. На состанокот се поканети и претставници од Австрија, Хрватска, Франција, Германија, Италија и Словенија.